İnnovasiya şəhərciyində ali təhsil müəssisələri üçün yeni imkanlar yaradılır
"SABAH.city" innovasiya şəhərciyində ali təhsil müəssisələrinin iştirakı ilə bağlı görüş keçirilib. Elm və Təhsil Nazirliyinin Yüksək Texnologiyalar Parkında baş tutmuş toplantıda şəhərciyin ali təhsil üçün təqdim etdiyi imkanlar müzakirə olunub. Görüşdə universitetlərin innovasiya ekosisteminə inteqrasiyası məsələləri gündəmə gətirilib.
Rezidenturaya qəbul imtahanının birinci mərhələsində 1702 namizəd iştirak edəcək
Mayın 3-də rezidenturaya qəbul imtahanının birinci mərhələsi keçiriləcək. Dövlət İmtahan Mərkəzinin məlumatına görə, baza fənləri üzrə biliklərin qiymətləndirilməsi imtahanında 1702 namizəd iştirak edəcək. İştirakçılardan 1308 nəfər Azərbaycan, 394 nəfər isə rus bölməsində imtahan verəcək. Həmçinin imtahanda 21 əcnəbi namizədin iştirak edəcəyi bildirilib.
Mayın 6-dan uşaqların I sinfə qəbulu prosesi başlayır
2026-2027-ci tədris ili üzrə ümumi təhsil müəssisələrinin birinci siniflərinə şagird qəbuluna mayın 6-dan start verilir. Məktəbəqədər və Ümumi Təhsil üzrə Dövlət Agentliyinin (MÜTDA) açıqlamasına görə, qəbul prosesi www.mektebeqebul.edu.az portalı vasitəsilə aparılacaq. Elektron sistem ölkənin bütün şəhər və rayonlarının ümumi təhsil müəssisələrini əhatə edir.
Emin Əmrullayev: Uşaqların tərbiyəsi və psixoloji inkişafı diqqət mərkəzində olmalıdır
Elm və təhsil naziri Emin Əmrullayev cəmiyyətdə uşaqların imtahan nəticəsi qədər onların tərbiyəsi və psixoloji-emosional inkişafının da diqqət mərkəzində olması gərəkdiyini bildirib. Nazir "Dayanıqlı inkişaf: ailə, qadın və uşaq siyasəti" mövzusunda keçirilən tədbiridə çıxış edərək, valideynlərin öz məsuliyyətini dərk etməli, məktəblə və müəllimlərlə birgə işləməli olduğunu vurğulayıb.
Son 6 ildə ailələrindən ayrılmış uşaqların reinteqrasiyası davam edir
Əmək və əhalinin sosial müdafiəsi naziri Anar Əliyev "Dayanıqlı inkişaf: ailə, qadın və uşaq siyasəti" mövzusunda keçirilən tədbiridə ailələrindən ayrılmış uşaqların ailə mühitinə qaytarılması istiqamətində görülən işlər barədə məlumat verib. Nazirin açıqlamasına görə, 2022-ci ildən etibarən tətbiq olunan himayədar ailə modeli çərçivəsində 34-ü oğlan, 44-ü qız olmaqla ümumilikdə 78 uşaq himayədar ailəyə verilib. Dövlət tərəfindən reinteqrasiya tədbirləri bu istiqamətdə davam etdirilir.