3 Milyard iPhone Satıldı: Apple-ın Yeni Prioritetləri

Apple, 2025-ci ilin 3-cü rübü maliyyə hesabatının təqdimatında 3 milyard iPhone satıldığını açıqladı. Bu rəqəm, 2007-ci ildən bəri satışa çıxarılan və mobil dövrün əsasını qoyan iPhone’un tarixdə ən çox satılan və ən təsirli istehlak elektron cihazı olduğunu bir daha təsdiqlədi.

2016-cı ildə, satışa çıxarıldığı gündən 9 il sonra, 1 milyard iPhone satışına çatan Apple, o zamanlar böyük bir qürur hissi ilə bunu qeyd etmişdi. Tim Kuk, iPhone-u tarixin ən vacib, dünyanı dəyişən və uğurlu məhsullarından biri adlandırmışdı. Lakin milyardlar artıqca, Apple-ın həyəcanı azaldı. Analitik proqnozlara görə, şirkət 2021-ci ilin sentyabrında 2 milyard iPhone satış həddinə çatdıqda heç bir rəsmi, böyük elan etməmişdi.

3 milyardlıq satış xəbəri, bu yeni, daha təvazökar yanaşmanı təsdiqlədi. Xəbərin ən diqqət çəkən tərəfi isə Tim Kuk-un ifadələri oldu. 2016-cı ilin abartılı və həyacanlı bəyanatları bu dəfə demək olar ki, adi bir məlumatla əvəzləndi. Kuk tarixi nailiyyəti aşağıdakı sözlərlə açıqladı: "Yaxınlarda əhəmiyyətli bir mərhələyə çatdıq. 2007-ci ildə satışa çıxarıldığı gündən bəri 3 milyard iPhone satmışıq".

Kuk-un sadə bəyanatı texnologiya ictimaiyyətində yeni bir müzakirəyə səbəb oldu: iPhone-un uğuru Apple üçün qeyd edilməli bir qələbədən daha çox əldə edilməli bir standart halına gəldimi? Şirkətin diqqətinin Vision Pro kimi yeni məhsul kateqoriyalarına yönəldiyi və iPhone-un indi zəmanətli bir uğur kimi görüldüyü ilə bağlı fərziyyələr var.

Nəticə olaraq, 3 milyardlıq satış rəqəmi iPhone-un bazardakı dönməz üstünlüyünü və mədəni təsirini bir daha sübut etsə də, Apple rəhbərliyinin bunu "işin təbii bir hissəsi" kimi görməsi şirkətin yeni vizyonu və gələcək prioritetləri barədə əhəmiyyətli məlumatlar verir.