Android 16-da Yeni Təhlükəsizlik Xüsusiyyəti!

Google, Android 16 versiyası ilə cihaz təhlükəsizliyini artırmaq istiqamətində mühüm addım atır. Yeni təhlükəsizlik rejimi sayəsində telefon kilidləndikdə USB məlumat girişinə tamamilə maneə törədiləcək. Bu xüsusiyyət zərərli niyyətli şəxslərin USB vasitəsilə telefonlardan məlumat oğurlamasının qarşısını almağı hədəfləyir.

Android 16-da tətbiq olunacaq yeni sistem "Qabaqcıl Mühafizə" (Advanced Protection) aktivləşdirildikdə işə düşür. Beləliklə, telefon kilidləndikdə Android əməliyyat sistemi qoşulmuş hər hansı bir USB cihazının məlumat göndərməsinə və ya qəbul etməsinə imkan vermir. Telefon itərsə və ya oğurlanarsa, USB bağlantısı vasitəsilə cihaza müdaxilə tamamilə qarşısı alınır.

Kilidli Android 16 cihazına USB cihazı qoşulduqda ekranda xəbərdarlıq mesajı göstərilir. USB cihazından aktiv istifadə etmək üçün telefonu əl ilə açmaq və cihazın USB bağlantısına yenidən icazə vermək lazımdır. Bu proses üçüncü tərəflərin həm şəxsi məlumatları, həm də cihazda olan həssas informasiyanı ələ keçirməsini xeyli çətinləşdirəcək. Yeni təhlükəsizlik rejimi ixtiyari olaraq aktiv edilir. İstifadəçilər "Qabaqcıl Mühafizə" xüsusiyyətini lazım olduqda aktivləşdirə bilərlər. Bu funksiya Android 16-nın cari beta versiyasında hələ mövcud deyil. Bu xüsusiyyətin bütün detallarının son versiyada görünməsi gözlənilir.