Apple Məhdud Sayda Yeni Əlçatan iPhone Tutacağını Təqdim Etdi

Apple şirkəti məşhur rəssam və dizayner Bailey Hikawa ilə əməkdaşlıq çərçivəsində iPhone üçün yeni MagSafe tutacağı təqdim edib. Bu aksessuar əlçatanlıq (accessibility) prinsipləri əsas tutularaq, sıfırdan dizayn edilib. Bu yeni məhsul hər kəsin telefonundan daha rahat istifadə edə bilməsi məqsədi daşıyır.

“Hikawa Phone Grip & Stand” adını daşıyan bu aksessuar artıq Apple-ın rəsmi Mağazasında satışa çıxarılıb. Onun qiyməti 69.95 dollardır. İstifadəçilər bu tutacağı həm rahatlıqla telefonlarını tutmaq, həm də stend kimi istifadə etmək üçün istifadə edə bilərlər. Lakin Apple bu aksesuarı məhdud sayda buraxılan nəşr kimi qeyd edib. Bu o deməkdir ki, məhsul qısa müddət ərzində satılıb bitəcək.