ChatGPT-də Yeni "Təhsil Rejimi"

OpenAI şirkəti ChatGPT platformasına tələbələr üçün yeni bir "Təhsil Rejimi" əlavə edib. Bu rejim sadəcə doğru cavab tapmaq deyil, həm də mövzuları dərin başa düşməyə yönəlib. Sistem sual-cavab formatında biliyi yoxlayır və bəzi hallarda tələbə mövzu ilə kifayət qədər məşğul olmadıqda birbaşa cavab verməkdən imtina edir.

29 iyul tarixindən etibarən pulsuz, Plus, Pro və Komanda planlarının bütün istifadəçiləri üçün əlçatandır. Yaxın həftələr ərzində təhsil müəssisələrinə toplu lisenziya yolu ilə təqdim olunan Edu paketinə də əlavə ediləcək. Beləliklə, ChatGPT təhsildə yeni bir rol oynayır. Əvvəllər müxtəlif ölkələrdə tələbələrin düşüncə qabiliyyətinə mənfi təsir göstərdiyinə görə tənqid olunaraq, hətta bəzi məktəblərdə qadağan olunan ChatGPT indi tədris funksiyasını da öz üzərinə götürür. Bu cür alətlərin təhsildə tətbiqinə Türkiyədə təhsil ekspertləri ehtiyatla yanaşsalar da, Çində süni intellekt texnologiyalarının tələbələr tərəfindən istifadəsinə açıq dəstək verilir, hətta bəzi bölgələrdə məcburidir.

Hazırda bu rejim ixtiyari olaraq aktiv edilir. Yəni müəllim və ya valideynlər bu rejimi tələbələr üçün məcburi edə bilməzlər. Lakin gələcəkdə "Təhsil Rejimin" daha nəzarətli istifadəsinə imkan verən alətlərin yaradılacağı gözlənilir. Hazırda isə təlim prosesinin effektivliyi birbaşa tələbənin iştirak etmək istəyindən və motivasiyasından asılıdır.