Galaxy S25 Edge: Az qalıb!

Yanvarın 22-də Galaxy Unpacked tədbirində ilk dəfə nümayiş etdirilən Galaxy S25 Edge smartfonunun satışa çıxmasına sayılı günlər qalıb. Mayın 13-də istifadəçilərin görüşünə çıxacaq telefon haqqında artıq kifayət qədər məlumat var. Gəlin, Galaxy S25 Edge haqqında bildiklərimizi bir daha nəzərdən keçirək!

Samsung tərəfindən yayımlanan son reklam videosuna görə, Galaxy S25 Edge Corning şirkətinin yeni Gorilla Glass Ceramic 2 şüşəsindən istifadə edən ilk smartfon olacaq. Bu yeni texnologiya cihazın davamlılığını əhəmiyyətli dərəcədə artıracaq. Telefon cəmi 5,8 mm qalınlığında, olduqca incə dizaynla hazırlanıb. Düz kənarları, son dərəcə nazik çərçivələri və ekranın yuxarı hissəsində mərkəzdə yerləşən dəlikli ön kamerası var. Üç rəng variantında - Titan Buz Mavisi, Titan Gümüşü və Titan Qara - satışa çıxarılacaq.

Arxa panelində 200 MP əsas sensor və 12 MP ultrasəlis sensorlu ikili kamera qurğusu yerləşir. Ön tərəfdə isə 12 MP selfie kamerası var. Bundan əlavə, toz və suya davamlılığı göstərən IP68 sertifikatına malikdir. Telefon 120 Hz təzələnmə tezliyi ilə 6.7 düymlük AMOLED ekranla təchiz olunub. Qualcomm Snapdragon 8 Elite for Galaxy prosessoru ilə işləyir. 12 GB LPDDR5X RAM və 256 GB UFS 4.0 yaddaşa malikdir. Nəhayət, 25 Vt sürətli şarjı dəstəkləyən 3900 mAh batareyası var.