Galaxy Z Fold 7 və Z Flip 7-nin təqdimat tarixləri açıqlandı!

Samsung qatlanan telefonlar bazarında öz fəaliyyətini davam etdirir. Bu istiqamətdə Cənubi Koreya brendi çox keçmədən Z Fold 7 və Flip 7 modellərini təqdim etməyə hazırlaşır. İndiyədək yayılan məlumatlara görə, hər iki cihaz əvvəlki modellərinə nisbətən əhəmiyyətli yeniliklərlə gələcək.

Bəs yeni modellər nə zaman təqdim olunacaq? Son hadisələr bu suala işıq salır. Etibarlı sənaye mənbələrinə görə, yaxınlaşan Galaxy Z Fold 7 və Flip 7 modelləri iyulun ilk həftəsində təqdim olunacaq. Qeyd edək ki, əvvəlki modellər olan Z Fold 6 və Flip 6, 10 iyul 2024-cü ildə satışa çıxarılmışdı. Buna əsasən, yeni cihazların 10 iyuldan əvvəl təqdim olunması gözlənilir.

Galaxy Z Flip 7-də 4 düymlük ön ekran və 6.85 düymlük qatlanan daxili ekran olacağı gözlənilir. Xarici tərəfdə 50 MP + 12 MP sensorlu ikili kamera sistemi, daxili tərəfdə isə 12 MP özəllikli selfie kamerası yer ala bilər. Cihazın 4300 mAh batareyaya və 25 Vt sürətli şarj dəstəyinə sahib olması gözlənilir.

Galaxy Z Fold 7 isə 6.5 düymlük ön ekran və 8.2 düymlük qatlanan daxili ekranla təchiz ediləcək. 200 MP əsas kamera, 12 MP ultrasistemli kamera və 3x optik zumlu 10 MP telefoto kameraya sahib ola bilər. Ön ekranda 12 MP özəllikli selfie kamera, daxili ekranda isə təkmilləşdirilmiş alt ekran kamerası yer alacağı gözlənilir. Fold 7-nin 4400 mAh batareyaya və 25 Vt sürətli şarj dəstəyinə sahib olması gözlənilir.

Hər iki telefonun ən azı 12 GB RAM və 256 GB yaddaşla yanaşı, Snapdragon 8 Gen 3 for Galaxy (Snapdragon 8 Elite kimi də tanınır) prosessorla təqdim olunacağı gözlənilir. Həmçinin, IP48 sertifikatı, stereo dinamiklər və USB Type-C portu ilə təchiz ediləcəkləri bildirilir.