Google-dan Gözlənilməz Qərar: Layihə Dayandırıldı!

Etibarlı mənbələr Google-un uzun müddətdir üzərində işlədiyi məhsullarından birinin istehsalını dayandırdığını iddia edirlər. Şirkət hələ rəsmi açıqlama verməsə də, qərarın keçən həftə alındığı bildirilir. Hətta, layihədə iştirak edən komanda üzvlərinin başqa layihələrə yönləndirildiyi deyilir.

Söhbət "Kiyomi" kod adlı Pixel Tablet 3 layihəsindən gedir. Tezliklə satışa çıxarılacaq Pixel Tablet 2 modelinin, ilk dəfə inteqrasiya olunmuş klaviatura ilə təchiz olunacağı bildirilirdi. Lakin, görünür, bu Google-un son planşeti olacaq. Keçən həftə qəfil qərar verərək layihənin ləğv olunduğu daxili olaraq elan edilib.

Mənbələr Google-un bu qərarını planşet bazarındakı strateji qeyri-müəyyənlik əlaməti kimi dəyərləndirir. Digər səbəb isə Apple-ın son illərdə öz M-seriya çipləri ilə işləyən iPad seriyası ilə bazarda əhəmiyyətli üstünlük qazanmasıdır. Google-un planşet seqmentində rəqabətdən çəkinərək, Chrome OS və Android birləşdirən cihazlar üzərində çalışmağı üstün tutduğu deyilir.

Xatırladaq ki, keçən il Google tərəfindən satışa çıxarılan Pixel Tablet-in texniki göstəriciləri belə idi: Ekran: 10.95 düym, 2560 x 1600 piksel, 90 Hz, LCD, 500 nit parlaqlıq, 16:10 nisbəti; Prosessor: Google Tensor G2; Batareya: 12 saata qədər video izləmə, 27 Wh; Kamera: 8 MP arxa/8 MP ön; Yaddaş: 8 GB RAM; Daxili yaddaş: 128/256 GB; Əməliyyat sistemi: Android 13; Əlaqə: Wi-Fi 6, Bluetooth 5.2, USB Type-C, dörd dinamik və üç mikrofon.