Hollivudda Bir Zamanlar 2 Gəlir!

2019-cu ildə çəkilən və Hollivudun o dövrə alternativ baxış təqdim edən "Hollivudda Bir Zamanlar" filminin davamı yolda! Bu dəfə rejissor kreslosunda Quentin Tarantinonun əvəzinə David Fincher oturub, ssenarini isə yenə Tarantino yazır.

Filmin əsasında Bred Pittin canlandırdığı Kliff But obrazı yer alacaq. "Hollivudda Bir Zamanlar 2"-nin ilk aktyor heyəti də açıqlanıb. Son məlumata görə, Elizabet Debiki və Skot Kan layihəyə qoşulublar. Debiki "Tenet" və "Tac" kimi filmlərlə tanınır, Skot Kan isə "Oceans Eleven" seriyaları ilə geniş tamaşaçı kütləsinə yiyələnib. Gələn günlərdə heyətə yeni adların qoşulması gözlənilir.

Kliffin Hollivud studiyalarının müxtəlif problemlərini həll edən bir şəxs kimi təqdim olunacağı bildirilir. Bu proses ərzində zaman-zaman qaranlıq və boz zonalarda hərəkət etməli olacaq. Əvvəlki məlumatlara görə, birinci filmdə Rik Dalton obrazını canlandıran Leonardo DiKaprionun yeni filmdə qısa müddətli olsa da rol ala biləcəyi şayiə olunurdu. Netflixin DiKapriyoya bu qısa dönüş üçün yüksək məbləğ təklif etdiyi bildirilib. Ancaq aktyorun bu təklifi qəbul edib-etmədiyi hələlik bəlli deyil.

Netflix tərəfindən hazırlanan filmin çəkilməsinin iyul ayında başlaması planlaşdırılır. Çıxış tarixi ilə bağlı hələ rəsmi açıqlama verilməyib.