İnstaqramın "Dost Xəritəsi" xüsusiyyətini necə söndürmək olar?

İnstaqram yenidən özünün yeni xüsusiyyəti ilə gündəmə gəlib. Bu dəfə istifadəçilərin məxfilik və təhlükəsizlik narahatlıqlarını artıran "Dost Xəritəsi" adlı funksiya ortaya çıxıb. Bu funksiya ilə istifadəçilərin yeri xəritə üzərində birbaşa görünür. Xüsusiyyət əvvəlcə bəzi ölkələrdə tətbiq olunsa da, son yenilənmə ilə Azərbaycanda da aktiv edilib. Həm özünüzün, həm də dostlarınızın yerini görmək mümkündür. İnstaqram, xüsusilə hekayələr və paylaşım zamanı yerinizi müəyyən edib göstərir və arxa planda işləyərkən belə yer məlumatlarınızı yeniləyir. Bu da istifadəçilərin bilmədən yerlərini daim paylaşmasına səbəb olur. Əgər əl ilə söndürməsəniz, tətbiqi açdıqda hər dəfə real vaxtda yerinizi sistemlə paylaşırsınız.

Bu xüsusiyyətin standart olaraq aktiv olması məxfilik narahatlıqları yaradıb. Yer paylaşımını söndürmək istəyənlər üçün isə bir neçə addım kifayətdir. Tətbiqin sağ yuxarı küncündəki üç nöqtəyə toxunun, "Parametrlər və Fəaliyyət" bölməsinə keçin. Sonra "Məzmununuzu kim görə bilər?" bölməsindən "Hekayə, canlı yayım və yer"i seçin. Açılan menyudan "Yer paylaşımı"nı seçib "Parametrləri aç"a toxunun və "Yer" seçimini "Heç vaxt" olaraq təyin edin.

Addımlar:

1. İnstaqram tətbiqini açın

2. Sağ yuxarı küncdəki üç nöqtəyə toxunun

3. "Parametrlər və Fəaliyyət"ə keçin

4. "Məzmununuzu kim görə bilər?" seçin

5. "Hekayə, canlı yayım və yer" seçin

6. "Yer paylaşımı"nı seçin

7. "Parametrləri aç"a toxunun

8. "Yer" seçimini "Heç vaxt" olaraq təyin edin