Intel-in süni intellekt prosessorları gözləntiləri doğrultmadı

Intel-in süni intellektə yönəlmiş yeni nəsil prosessor strategiyası gözlənildiyi kimi güclü tələbat yaratmayıb. Meteor Lake, Lunar Lake və Arrow Lake arxitekturası ilə istehsal olunan yeni prosessorlar istifadəçilərdən kifayət qədər maraq görməyib.

Xüsusilə süni intellekt dəstəkli noutbuk satışlarında şirkət gözləntilərin xeyli gerisində qalıb. İstifadəçilər daha sərfəli və etibarlılığı sübut olunmuş köhnə nəsil prosessorlara üz tutur. Bunun səbəbi 13-cü və 14-cü nəsil prosessorlarda yaşanan qeyri-sabitlik problemləridir.

Şirkət Raptor Lake arxitekturası ilə istehsal olunan prosessorlara olan tələbatı ödəməkdə çətinlik çəkir. İstehsal gücü məhdud olduğu üçün bu modellərdə stok çatışmazlığı yaşanır. Intel mövcud problemləri proqram təminatı yeniləmələri ilə həll etməyə çalışsa da, yeni nəsil Arrow Lake seriyası oyun performansında gözlənilən böyük irəliləyişi təklif edə bilməyib.

Noutbuk tərəfində isə Microsoft-un Copilot inteqrasiyası və yeni süni intellekt emal vahidləri istifadəçiləri yeni modellərə yönəltmək üçün yetərli olmayıb. İstifadəçilər məhdud funksionallıqlı, lakin bahalı süni intellekt dəstəkli sistemlər əvəzinə əsas ehtiyaclarını ödəyən daha sərfəli köhnə nəsil sistemləri üstün tutur.

Xüsusilə Intel 7 arxitekturası ilə istehsal olunan Raptor Lake prosessorlarına olan yüksək tələbat səbəbindən bu modellərdə də stok çatışmazlığı yaranıb. Intel son zamanlar köhnə nəsil modellərə olan bu artan tələbatı “gözlənilməz sıçrayış” kimi xarakterizə edib və tələbləri tarazlamağa çalışdıqlarını bildirib. Şirkətin ilin sonuna doğru yeni nəsil süni intellekt dəstəkli Panther Lake prosessorlarını satışa çıxarması gözlənilir.