Lenovo-nun Yeni PUBG Canavarı Planşeti Yaxınlaşır!

Lenovo, məhsul xəttini genişləndirməkdə davam edir. Şirkət, Legion Y700 seriyasının davamı olan yeni bir planşet təqdim etməyə hazırlaşır. Sızan məlumatlara görə, cihazın texniki xüsusiyyətləri ortaya çıxıb.

Lenovo, yaxınlarda təqdim etdiyi reklam posterində yeni Legion Y700 planşetinin əsas xüsusiyyətlərini təsdiqləyib. Bildirilib ki, cihaz Snapdragon 8 Elite prosessoru ilə işləyəcək və oyun zamanı qızmanı minimuma endirmək üçün 12,000 mm² VC soyutma sistemi ilə təchiz olunacaq.

8.8 düymlük ekran 3040 x 1904 piksel çözünürlüyə, 16:10 aspekt nisbətinə, 408 ppi piksel sıxlığına, 165 Hz yeniləmə tezliyinə və 360 Hz toxunma cavab sürətinə malik olacaq. Ekranın parlaqlığı 600 nit, rəng gamutunun əhatəsi isə DCI-P3 olacaq. Bundan əlavə, 12-bit rəng dəstəkləyəcək.

Əvvəlki xəbərlərə görə, batareyanın tutumu 7000-8000 mAh arasında olacaq. Cihazın rəsmi təqdimatı mayın 8-də keçiriləcək.

Xatırlatmaq üçün, ötən il satışa çıxarılan Lenovo Legion Y700-ün xüsusiyyətləri bunlardır: Prosessor: Snapdragon 8 Gen 3; Əməliyyat Sistemi: Android 14 əsaslı ZUI 16.1; Ekran: 8.8 düym 2560x1600 WQXGA; Yaddaş: 256 GB, 512 GB; RAM: 12 GB, 16 GB; Arxa Kamera: 13 MP; Ön Kamera: 8 MP; Batareya: 6500 mAh; Soyutma Sistemi: 10,004 mm² buxar kamerası.