LOL-da WASD dəstəyi gəlir

Riot Games, oyun dünyasının ən çox müzakirə olunan mövzularından birinə son qoydu: LOL artıq WASD dəstəyini əldə edir. İndi oyunçular oyunu klaviaturalarındakı WASD düymələri ilə oynaya biləcəklər.

Bəs Riot bu dəyişikliyi nə üçün etdi? Əsas məqsəd yeni oyunçuların oyuna daha asan uyğunlaşmasını təmin etməkdir. İnkişaf komandasının sözlərinə görə, "WASD, bu gün bir çox kompüter oyunlarında standart idarəetmə sxemidir. Yeni oyunçuların League of Legends-ə başqa oyunlardan keçərkən, oyunu başladıqları kimi barmaqlarını avtomatik olaraq WASD düymələrinə qoyduqlarını müşahidə etdik."

Riot, alternativ idarəetmə sxemi təklif etməklə oyunun daha intuitiv və əlçatan olacağına inanır. Lakin bu inqilabi dəyişikliyin qarşısında böyük bir maneə var: oyun balansı. WASD idarəetməsi, xüsusilə "kiting" kimi tanınan, bir çempiona hücum edərkən eyni zamanda geri çəkilmək və rəqibin hücumlarından yayınmanı daha asanlaşdıra bilər. Əgər bir idarəetmə üsulu digərinə nisbətən açıq üstünlük verirsə, illərdir siçanla oynayan təcrübəli oyunçular ciddi dezavantaj yaşaya bilərlər.

Bu balans problemnin həlli üçün yeni idarəetmə sxemi dərhal tətbiq olunmayacaq. Əvvəlcə PBE (Public Beta Environment) sınaq serverində sınaqdan keçiriləcək və bir neçə yamaq (yeniləmə) ərzində oyun arasındakı fərqlər və balans diqqətlə izləniləcək. Lazım gələrsə, iki idarəetmə üsulu arasındakı üstünlük fərqini aradan qaldırmaq üçün balans düzəlişləri ediləcək.

Riot-un bu cəsarətli hərəkəti oyunun əsas mexanikalarını köklü şəkildə dəyişə bilər. Bütün oyun ictimaiyyəti WASD idarəetməsinin League of Legends metası və təcrübəli oyunçularla yeni başlayanlar arasındakı tarazlığı necə təsir edəcəyini səbirsizliklə gözləyir.