Mercedes-in yeni Apple Watch tətbiqi!

Mercedes, öz mobil tətbiqini Apple Watch-a inteqrasiya etdiyini elan etdi. Artıq avtomobil sahibləri yeni tətbiq sayəsində saatlarından birbaşa avtomobillərinə daxil ola biləcəklər. Bir çox avtomobil əlaqəli əməliyyatları telefonunuza ehtiyac olmadan asanlıqla yerinə yetirmək mümkündür.

Bəs hansı xüsusiyyətlərdən danışırıq? Mercedes-Benz-in Apple Watch tətbiqi nələr təklif edir? Əslində, yeni tətbiqin məqsədi Mercedes istifadəçiləri üçün telefondan istifadə əziyyətini aradan qaldırmaq və işləri asanlaşdırmaqdır. Bu tətbiq ilə Mercedes, texnologiyanı avtomobillərə inteqrasiya etmək yarışında Honda, Ford və Volvo kimi digər istehsalçılara qoşulur.

Tətbiqin təklif etdiyi bəzi xüsusiyyətlər bunlardır: Yanacaq və ya batareya səviyyəsinin yoxlanılması; Avtomobilin uzaqdan kilidlənməsi və açılması; Pəncərələrin açıq və ya bağlı olması barədə bildirişlərin alınması; Avtomobilin son park edildiyi yerin tapılması; Qalan məsafənin öyrənilməsi.

Yeri gəlmişkən, Mercedes-in yeni Apple Watch tətbiqi yalnız 2019-cu ildən sonra istehsal olunmuş Mercedes-Benz modelləri ilə uyğundur. Həmçinin, avtomobil modelindən və avadanlıqdan asılı olaraq, tətbiqdəki bəzi xüsusiyyətlər dəyişə bilər. Məsələn, batareya səviyyəsinin görmə kimi bəzi funksiyalar yalnız elektrikli və hibrid avtomobillər üçün mövcuddur.

Apple Watch cihazlarında App Store-dan yüklənə bilən yeni tətbiq, watchOS 9 və ya daha yüksək əməliyyat sisteminə malik Apple Watch-lar ilə uyğundur. Lakin, cihazın qoşulduğu iPhone-da Mercedes-Benz-in mobil tətbiqi quraşdırılmış olmalıdır.