Microsoft Ailə Təhlükəsizliyi Xidməti Google Chrome-u Bloklaır

Uşaqları internet təhlükələrindən qoruyan Microsoft-un Ailə Təhlükəsizliyi xidməti Google Chrome brauzerində problem yaradıb. İyun ayının əvvəllərindən bəzi Windows istifadəçiləri Chrome brauzerinin açılmadığını və ya açılandan dərhal sonra bağlandığını bildirirlər. Ailə Təhlükəsizliyi xidməti Google Chrome-u bloklayır. İlk şikayətlər 3 İyun tarixində gəlməyə başlayıb. Brauzerin normal işləməməsi, xüsusilə Ailə Təhlükəsizliyi aktiv olan sistemlərdə daha çox müşahidə olunub. Qeyd olunur ki, bu problem yalnız Chrome brauzerini əhatə edir, Firefox və Opera kimi alternativ brauzerlər isə problemsiz işləyir.

Bəzi istifadəçilər problemi həll etmək üçün Chrome'un icra faylının adını "Chrome.exe"-dən "Chrome1.exe"-yə dəyişdirmişlər. Bu həll yolu, brauzerin sistem tərəfindən necə tanındığını dəyişdirdiyi üçün işləyir. Digər müvəqqəti həll yolu isə Ailə Təhlükəsizliyi parametrlərində "uyğunsuz veb saytları filtr et" seçimini söndürməkdir. Lakin, bu üsul ciddi təhlükəsizlik riskləri yaradır, çünki uşaqların internetdəki bütün məzmuna nəzarətsiz daxil olmasına imkan verə bilər. Problem birbaşa istifadəçiləri Microsoft Edge brauzerinə yönləndirməsə də, şirkətin keçmişdə Chrome-dan Edge-ə keçidi təşviq etmək üçün istifadə etdiyi aqressiv üsulları xatırladır.

Microsoft hələ ki, iki həftədən çoxdur davam edən bu problem üçün daimi həll üçün rəsmi bir yeniləmə yayımlamamışdır. Bəs siz bu məsələ barədə nə düşünürsünüz?