Microsoft ilə OpenAI arasında əməkdaşlıq sona çata bilərmi?

Süni intellekt sahəsində ən diqqətəlayiq əməkdaşlıq sayılan Microsoft və OpenAI şirkətləri arasında münasibətlər yeni bir dönəmə qədəm qoyur. Son məlumatlara görə, şirkətlər arasında fikir ayrılıqları xeyli dərinləşib. Microsoftun OpenAI ilə əməkdaşlığı sona çata bilər.

2015-ci ildə yaradılan OpenAI, Microsoftun dəstəyi sayəsində süni intellekt sahəsində sürətli inkişaf etmişdir. Microsoft-un baş direktoru Satya Nadella tərəfindən bu təşəbbüsə edilən erkən investisiya ChatGPT-nin qlobal miqyasda yayılmasına yol açdı. Lakin son zamanlar iki şirkətin yolları bir-birindən uzaqlaşmağa başlayıb.

İki tərəf arasındakı ayrılığın əsas səbəbi qarşılıqlı asılılığın azalmasıdır. OpenAI öz gəlir modellərini yaratdıqca, Microsoft-a texnoloji asılılığını əhəmiyyətli dərəcədə azaldıb. Digər tərəfdən, Microsoft OpenAI-dən əldə etdiyi texnoloji nailiyyətlər əsasında öz süni intellektini inkişaf etdirir. Şirkətin Copilot adı altında təqdim etdiyi süni intellekt modeli ChatGPT-nin birbaşa rəqibi olub, Microsoft bu sahədə investisiyalarını şaxələndirib və digər şirkətlərlə geniş əməkdaşlıqlar qurmağa başlayıb.

Bu dəyişiklik Satya Nadella və OpenAI-ın baş direktoru Sam Altman arasında ciddi fikir ayrılıqlarına səbəb olub. İki tanınmış şəxs Microsoftun məlumat mərkəzlərindən istifadə, hansı modellərin Microsoft ilə paylaşılacağı və süni intellektin inkişaf prosesi kimi məsələlərdə fikir ayrılıqları yaşayırlar. OpenAI-ın ən qabaqcıl süni intellekt modellərini özündə saxlaması da bu böhranın əhəmiyyətli mövzularından biridir. Bildirilir ki, şirkətin direktorlar şurası bu ehtimalı bir müddətdir ciddi şəkildə nəzərdən keçirir.

Sizcə, bu məsələ ilə bağlı nələr düşünürsünüz?