MSI-dən Süni Zəka ilə İdarə Olunan Oyun Monitörü

MSI şirkəti oyunçular üçün yeni, qabaqcıl texnologiyalarla zəngin MPG 271QR QD-OLED X50 monitorunu təqdim edib. Bu 27 düymlük, WQHD çözünürlüklü monitor 500 Hz təzələnmə tezliyinə və inanılmaz sürətli, 0.03 ms reaksiya vaxtına malikdir. Ən əsası isə, real vaxtda istifadəçi aşkarlaması funksiyası ilə ilk QD-OLED ekran sayılır.

Monitorun ən diqqət çəkən xüsusiyyəti isə MSI-in OLED Care 3.0 sistemi. Daxili NPU əsaslı süni zəka sensoru və hər zaman aktiv CMOS sensoru sayəsində sistem hər 0.2 saniyədə istifadəçinin olub-olmamasını yoxlayır. İstifadəçi aşkarlanmazsa, monitor avtomatik olaraq söndürülür və ya panel qoruma rejiminə keçir. Bu, həm enerji qənaətini təmin edir, həm də ekranın ömrünü uzadır. Bundan əlavə, fasiləsiz istifadə zamanı panel qoruma müddəti 16 saatdan 24 saata qaldırılıb. Bütün bu aşkarlama prosesi buludla əlaqə olmadan, monitorun özündə yerinə yetirilir.

Texniki xüsusiyyətlərə gəldikdə isə, MPG 271QR QD-OLED X50 modeli 500 Hz təzələnmə tezliyi, 0.03 ms GtG reaksiya sürəti və 1.5 ms-ə qədər aşağı giriş gecikməsi təklif edir. Monitor VESA ClearMR 21000 sertifikatına malikdir ki, bu da hərəkət aydınlığını təmin edir. Həmçinin, dərin kontrast və canlı HDR görüntülər üçün DisplayHDR True Black 500 sertifikatına sahibdir. MSI-in EOTF Boost texnologiyası HDR performansını əvvəlcədən optimallaşdırır və əlavə kalibrləmə tələb etmir.

MSI şirkəti hələ MPG 271QR QD-OLED X50 monitorunun qiymətini və satışa çıxarılma tarixini rəsmi olaraq açıqlamamışdır. Lakin, monitor ilk dəfə Computex sərgisində nümayiş olunduqda, təxminən 900 dollar qiymətə satılacağı ilə bağlı şayiələr yayılmışdı.