Redmi Note 15 Pro+ - Kameranın Gücü Açığa Çıxdı!

Xiaomi-nin qardaş şirkəti Redmi, bazar liderlərindən biri olaraq, yeni Redmi Note 15 Pro seriyalı smartfonlarının inkişafını yekunlaşdırır. Avqustun 21-də Çində keçiriləcək təqdimat mərasimində tanıdılacaq Redmi Note 15 Pro və 15 Pro+ modellərinin xüsusiyyətləri təsdiqlənib.

Redmi Note 15 Pro+ modelinin kamera və prosessor xüsusiyyətləri rəsmi olaraq açıqlanıb. Ətraflı məlumatlar belədir: Redmi Note 15 Pro+, tamamilə yeni Snapdragon 7S Gen 4 çipseti ilə təchiz olunacaq. Şirkət əvvəllər prosessorun, ekranın, batareyanın tutumunun və sürətli şarj dəstəyinin xüsusiyyətlərini açıqlamışdı. İndi isə, cihazın bayraqman səviyyəli görüntü keyfiyyətini vurğulamaq üçün kamera spesifikasiyaları və rəsmi kamera nümunələri paylaşılıb.

Elan olunmuş məlumata görə, Note 15 Pro+ 50 meqapiksel əsas kamera ilə təchiz olunacaq ki, bu kamerada OIS (Optik Stabilizasiya) dəstəyi olan OmniVision Light Fusion 800 (OV50E) sensoru istifadə olunub. Qeyd edək ki, ötən ilki Note 14 Pro+ 200 meqapiksel kamera ilə təchiz olunmuşdu. Yeni cihazda həmçinin ultrasenin açılı kamera və 2.5x telefoto kamera olacaq.

Redmi əvvəllər Redmi Note 15 Pro+'ın 6.83 düymlük, dörd tərəfdən əyilmiş, 1.5K çözünürlüklü və 120Hz yeniləmə tezliyinə malik AMOLED ekranla təchiz olunacağını təsdiqləmişdi. Digər xüsusiyyətlərə Snapdragon 7s Gen 4 çipi, 16GB-a qədər RAM, 90W sürətli şarj və 18W tərs şarj dəstəyi olan 7000mAh batareya daxildir. Redmi Note 15 Pro+, HyperOS 2.0 əsaslı Android 15 ilə işləyəcək və 512GB-a qədər yaddaş təklif edəcək. Bundan əlavə, bayraqman səviyyəli simmetrik 1115 dual-speaker və IP68/69 reytinqli davamlı korpusu olacaq. Ən yüksək konfiqurasiyalı variantda isə peyklə əlaqə dəstəyi də olacağı gözlənilir.