Samsung 7 illik yenilənmə zəmanəti ilə yeni Mini LED TV təqdim edir

Samsung, Çin bazarı üçün xüsusi olaraq hazırlanmış yeni X8F ağıllı televizorunu təqdim etdi. Quantum Dot Mini LED texnologiyasına əsaslanan bu model, DeepSeek-R1 inteqrasiyası, tamamilə reklamsiz istifadəçi təcrübəsi və 7 illik proqram təminatı yenilənmə zəmanəti kimi yenilikləri özündə birləşdirir.

NQ4 AI Gen2 prosessoru ilə təchiz olunan X8F modeli, əvvəlki nəslə nisbətən 40% daha yüksək emal gücü və iki dəfə çox qrafika performansı təklif edir. Real zamanlı miqyaslama texnologiyası sayəsində bütün kontent 4K keyfiyyətinə qaldırılır, süni intellekt isə rəng keçidlərini və hərəkətləri daha təbii edir.

Quantum Dot Mini LED texnologiyası ilə istehsal olunan panel, Pantone təsdiq etdiyi 2140 rəng və 111 fərqli dəri tonu dəstəyi ilə HDR10+ və HDR Vivid standartlarını dəstəkləyir. 144Hz təzələnmə tezliyi, FreeSync Premium VRR uyğunluğu və süni intellekt dəstəkli oyun rejimi sayəsində X8F, oyunçular üçün də yüksək səviyyəli təcrübə vəd edir.

Modelin digər önəmli xüsusiyyəti isə süni intellekt köməkçisi DeepSeek-R1-dir. Bu sistem istifadəçilərin verdiyi bir çox əmri yerinə yetirə bilir. Samsung'un One UI əsaslı Tizen əməliyyat sistemindən istifadə edən ağıllı televizor, reklamsiz interfeys ilə təxminən 300 fərqli tətbiqə giriş imkanı təqdim edir. Dörd HDMI 2.1 portu ilə yüksək bağlantı qabiliyyəti təklif edən televizorun günəş enerjili pultunun istifadəsi isə batareyanın tez-tez dəyişdirilməsinə ehtiyacı aradan qaldırır.

Samsung X8F Quantum Dot Mini LED TV 55, 65, 75 və 85 düymlük dörd fərqli ekran ölçüsündə təklif olunur. Qiymətlər ekran ölçüsündən asılı olaraq 730 ilə 1450 dollar arasında dəyişir.