Samsung Galaxy Watch 8-in Dizaynı Sızdırıldı!

Samsung-un yeni Galaxy Watch 8 seriyasının sızdırılmış şəkilləri şirkətin illərdir istifadə etdiyi tam dairəvi ağıllı saat dizaynından imtina etdiyini göstərir. One UI 8 Watch proqram təminatında aşkarlanan bu şəkillər, Galaxy Watch 8 seriyasının “squircle” (dəyirmibucaqlı), kvadrat və dairənin qarışığından ibarət yeni bir dizayn xəttinə keçdiyini təsdiqləyir. Galaxy Watch 8 və Galaxy Watch 8 Classic modelləri, “Fresh8” və “Wise8” kod adları ilə əvvəlki nəsillərin dəyirmi korpusunu daha kəskin xətləri olan bir quruluşla əvəz edir. Ancaq ekran hələ də dairəvi görünür. Saatın ümumi formasının indi daha kvadratabənzər bir dizayna sahib olduğunu deyə bilərik.

Bu dəyişikliklə birlikdə qayış bağlantı nöqtələri və korpus keçidləri də yenidən formalaşdırılıb. Lakin, yeni dizayn yalnız korpusla məhdudlaşmır. Əvvəlki nəsillərdə olduğu kimi, Galaxy Watch 8 modelində iki fiziki düymə saxlanılsa da, Watch 8 Classic versiyasında üç düyməli bir quruluş seçilib. Bu dizayn yanaşması Samsung-un ötən il təqdim etdiyi Galaxy Watch Ultra modelində də istifadə olunub. Bununla belə, bildirilir ki, Watch 8 Classic modeli Samsung-un xarakterik fırlanan bezel xüsusiyyətini qoruyaraq Ultradan fərqlənə bilər. Bu yeni dizayn geyən texnologiyalar sahəsində brendin dizayn xəttində əhəmiyyətli bir dönüş deməkdir. Cihazın texniki xüsusiyyətləri hələ tam aydın deyil.