Samsung Yeni Nəsil EL-QD Displeyini Təqdim Etdi!

Samsung Display şirkəti yeni nəsil EL-QD (Elektrolüminesent Kvant Nöqtəli) displey panelini təqdim etdi. Keçən il nümayiş etdirilən prototiplərə nisbətən əhəmiyyətli texniki inkişaflar əldə edilib. EL-QD texnologiyası kvant nöqtələrinin yalnız rəng çevirməyib, həm də birbaşa işıq istehsal etməsinə imkan verir. Bu onu ənənəvi QD-OLED panellərindən fərqləndirir.

Nümayiş olunan iki fərqli EL-QD displey prototipindən biri 400 nitə qədər parlaqlığa çata bilir. Digər prototip isə 264 ppi sıxlığı ilə seçilir. Müqaisə üçün, keçən il nümayiş etdirilən QD-LED panellərinin parlaqlığı müvafiq olaraq 250 nit və 202 ppi idi. Samsung-un yeni paneli təxminən 60 faiz parlaqlıq artımı təklif edir.

Yeni EL-QD displeylər kadmiumsuz kvant nöqtələri ilə hazırlanmış üzvi olmayan elektrolüminessensiya texnologiyasından istifadə edir. Bu quruluş sayəsində hər RGB pikseli elektrik siqnallarına birbaşa cavab verə və həm işıq, həm də rəng yarada bilir. Bu sistem həmçinin, ənənəvi OLED və ya QD-OLED displeylərdə olduğu kimi, arxa işıq və ya ayrı işıq təbəqəsinə ehtiyacı aradan qaldırır.

Texnologiyanın digər bir üstünlüyü isə rəng dəqiqliyində əhəmiyyətli artımın olmasıdır. Kvant nöqtələrinin birbaşa işıq yayması panelin daha canlı rənglər və artan enerji səmərəliliyi təklif etməsinə imkan verir. EL-QD panelləri hələ kommersiya istifadəsinə verilməyib. Lakin, bu texnologiyanın yaxın gələcəkdə müxtəlif növ displeylərdə istifadə olunması gözlənilir.