Tesla Yeni Baş İcraçı Direktor Axtarışına Başlayıb

Tesla-nın mali göstəricilərinin aşağı düşməsi və ictimai imicinin zədələnməsi səbəbindən şirkətin direktorlar şurası Elon Maskı əvəz edəcək yeni bir baş icraçı direktor axtarışına başlayıb. Bildirilir ki, bu proses təxminən bir ay əvvəl başlayıb.

Son məlumatlara görə, şura üzvləri Maskla ayrıca görüşlər keçirib və onun Teslaya kifayət qədər diqqət ayırmasına dair narahatlıqlarını bildiriblər. Maskdan şirkətə daha çox vaxt ayıracağına dair bəyanat verməsi istənilib.

Məşhur sahibkarın ABŞ hökumətinə qarşı sərt tənqidləri, Vaşinqtonda siyasi əlaqələri və Donald Trumpla yaxınlığı Teslanın gəlirlərinə mənfi təsir göstərib. Şirkət on ildən çox müddət ərzində ilk dəfə 2024-cü ildə illik satış itkisi ilə üzləşib. Tesla-nın bazar dəyəri 2024-cü ilin dekabrında 1,5 trilyon dollar həddində zirvəyə çatmışdı. Bu dövrdə Trumpla yaxınlığı şirkətin siyasi iqlimə uyğunlaşdığı təəssüratını gücləndirib. Lakin şirkətin dəyəri tez bir zamanda 900 milyard dollara düşüb.

Elon Maskın Tesla-dakı gələcəyi həm işçilər, həm də investorlar üçün əsas gündəm maddəsinə çevrilib. Təxminən 20 ildir şirkətin baş icraçı direktoru vəzifəsində çalışan Mask hazırda direktorlar şurasında yer alır. Mask mövzu ilə bağlı hələlik heç bir açıqlama verməyib.

Tesla-da baş icraçı direktor vəzifəsi uzun müddətdir ki, Mask üçün çox gərgin bir iş olub. Şirkətin səhmlərinin 13 faizinə sahib olan Mask son yeddi ildir maaşsız işləyir.