Xbox-un əfsanəvi oyunu PlayStation 5-də!

Uzun illərdir yalnız Xbox platformasında olan oyunları PlayStation 5-ə gətirən Microsoft şirkəti yenə də bizi təəccübləndirdi. Bu dəfə, uçuş simulyasiyası janrının ən məşhur seriyasından biri olan Microsoft Flight Simulator 2024-ün 2025-ci ilin noyabrında PS5-də satışa çıxacağı xəbəri yayılıb. Polşa əsaslı texnologiya saytı PPE-nin məlumatına görə, oyun Sony konsolunda da oynanıla biləcək.

Keçən il satışa çıxan Microsoft Flight Simulator 2024, ilk çıxdığı gündən bəzi texniki problemlərlə üzləşsə də, geniş auditoriyaya çatmağı bacarıb. Ancaq oyunun PS5-ə gətirilməsi ilə Microsoft, oyunçu bazasını genişləndirməklə yanaşı, çoxplatformalı oyun siyasətinə daha açıq yanaşmasını da nümayiş etdirir.

Bu addım, şirkətin son dövrlərdə atdığı addımlarla üst-üstə düşür. 2024-cü ildə Grounded, Pentiment, Hi-Fi Rush və Sea of Thieves kimi oyunlar da Xbox-dan sonra PS5-də satışa çıxarıldı. Forza Horizon 5 və Indiana Jones and the Great Circle da bu siyahıya əlavə olundu. Bir neçə həftə əvvəl isə Xbox-un bayraqdar seriyası olan Gears of War oyununun yeni versiyası olan Gears of War: Reloaded da PS5-də satışa çıxdı. Bu hadisə oyun dünyasında böyük səs-küyə səbəb oldu, çünki illərdir yalnız Xbox-a məxsus olan brend indi Sony-nin platformasında da yer alır. Oktyabr ayında satışa çıxacaq Ninja Gaiden 4 və The Outer Worlds 2 oyunlarının da PS5 üçün elan edilməsi, bu keçidin müvəqqəti bir strategiya deyil, uzunmüddətli bir plan olduğunu göstərir.