Xiaomi 15 Ultra-nın satışa çıxacağı tarix açıqlandı!

Oktyabr ayında Çində satışa çıxarılan Xiaomi 15 seriyası böyük uğur qazanıb. Amma seriyadakı ən güclü model olan Xiaomi 15 Ultra nə zaman təqdim olunacaq? İndi bunun cavabını bilirik!

Sənayedə tanınmış mənbə olan Experience More-dan sızan məlumata görə, Xiaomi 15 Ultra, fevral ayının sonlarında Çində, qlobal olaraq isə martın 3-dən 6-dək keçiriləcək Mobil Dünya Konqresində təqdim ediləcək. Xiaomi-dən hələ rəsmi açıqlama olmasa da, əvvəlki modelin də oxşar vaxtda satışa çıxarılması bu iddiaların etibarlılığını artırır.

Xiaomi 15 Ultra, əvvəlki modeli kimi, bayraqman konsepsiyasını davam etdirəcək. Məlumata görə, Qualcomm-un Snapdragon 8 Elite prosessoru ilə işləyəcək və 120 Hz yeniləmə tezliyinə malik 6.7 düymlük LTPO OLED ekranla təchiz olunacaq. Dizayn əsasən əvvəlki modelinə bənzəyəcək, ən böyük fərq isə arxa tərəfdə daha assimmetrik kamera yerləşdirilməsidir. Ön tərəfdə isə heç bir dəyişiklik gözlənilmir.

Cihazın rəsmi təqdimatı fevral ayında gözlənilir. Xiaomi 15 Ultra-nın sızdırılan xüsusiyyətləri:

Prosessor: Snapdragon 8 Elite
Ekran: 2K çözünürlük, OLED, əyri dizayn, 120 Hz yeniləmə tezliyi, ultrasəs barmaq izi skaneri
Əməliyyat Sistemi: Android 15 + Xiaomi HyperOS 2
Batareya: 6000 mAh, 90W simli və 50W simsiz şarj dəstəyi
Arxa Kameralar: 1 düymlük Sony Lytia LYT-900 sensor, 50 MP ultrasürətli (Samsung ISOCELL JN5), 50 MP telefoto, 200 MP periskop telefoto (100x hibrid "AI" zum)

Sizin fikrinizcə bu smartfon gözləntiləri doğruldacaqmı? Fikirlərinizi bizimlə bölüşməyi unutmayın!