Xiaomi 7 milyard dollarlıq çip texnologiyalarına yatırım edir!

Çin texnologiya nəhəngi Xiaomi öz mobil prosessorlarını istehsal etmək səfərində yeni bir dövrə qədəm qoyur. Şirkət, gələn on il ərzində "Xring" adlı prosessor layihəsinə ümumilikdə 7 milyard dollar vəsait ayıracağını elan etdi. Bu qərar, yeni Xring O1 prosessorunun testlərdə göstərdiyi gözlənilməz performansdan sonra qəbul edildi.

Xring layihəsinin tarixi 2021-ci ilə gedib çıxır. Həmin vaxt 1,9 milyard dollar ilkin investisiya ilə başlanan təşəbbüs, 2024-cü ildə təxminən 900 milyon dollar əlavə dəstəklə ümumilikdə 2,8 milyard dollara çatdı. Xiaomi-nin hazırkı strategiyasına əsasən, bu rəqəm on il ərzində 9,8 milyard dollara qalxacaq. Şirkətin hazırladıgı ilk çip olan Xring O1, 3 nanometr istehsal prosesi ilə dizayn edilib. Test nəticələri göstərir ki, prosessor Qualcomm-un yüksək səviyyəli Snapdragon 8 Elite modelinə rəqabət apara bilir. Xring O1-in sahədə ilk testi Xiaomi 15s Pro modeli ilə aparılacaq. Bu cihazın istifadəçi təcrübəsi və ümumi performansı şirkətin çip inkişaf strategiyasında növbəti addımları müəyyənləşdirəcək.

Xiaomi, illərdir mobil çip sahəsində asılı olduğu Qualcomm və MediaTek şirkətlərinə olan asılılığını azaltmağı da hədəfləyir. Bu istiqamətdə edilən investisiyalar, şirkətin zaman keçdikcə xarici asılılıqdan azad olma planlarının bir hissəsi kimi dəyərləndirilir.