Xiaomi-nin Yeni Süni Zəka Kolonkasi: Super Qiymətə Super Xüsusiyyətlər

Xiaomi, ağıllı ev cihazları çeşidini genişləndirməkdə davam edir. Şirkətin yeni məhsulu olan Xiaomi Smart Kolonka, sərfəli qiymətinə baxmayaraq, inkişaf etmiş süni intellekt assistenti və çox yönlü qoşulma imkanları ilə diqqət çəkir.

2 düymlük tam ölçülü 8 Vt gücündə dinamiklə təchiz olunan Xiaomi Smart Kolonka, aşağı tezlikli kanal dəstəyi sayəsində bas səslərinin keyfiyyətini artırır. Kolonkanın yuxarı hissəsində yerləşən LED işıqlandırma həm musiqi ritmlərinə, həm də istifadəçi əmrlərinə sinxron cavab verir.

Qoşulma baxımından Bluetooth 5.3 və dual-band Wi-Fi dəstəyi mövcuddur. Bundan əlavə, Xiaomi-nin Mesh 2.0 texnologiyası sayəsində digər Xiaomi cihazları ilə səlis və sürətli şəkildə cütləşir. Evin ağıllı cihazlarının mərkəzində yer alan bu kolonka, çox cihazlı idarəetməni olduqca asanlaşdırır.

Modellin ən önəmli xüsusiyyəti isə Xiaomi-nin yeni nəsil səs assistenti Super Xiao AI-dır. Süni intellekt dəstəkli sistem ardıcıl əmrləri asanlıqla qavrayır və tək bir cümlə ilə birdən çox əməliyyat yerinə yetirə bilir. Bu assistent istifadəçi ilə təbii dildə söhbət edə, söhbətin kontekstini başa düşə və dayandırılmış söhbəti dayandığı yerdən davam etdirə bilir.

Həmçinin, Xiaomi markalı elektrikli nəqliyyat vasitələrinə qoşula və məsafədən kondisioneri işə salmaq, oturacaqları isitmək kimi əməliyyatlar yerinə yetirə bilir. Bütün bu xüsusiyyətlərinə baxmayaraq, Xiaomi Smart Kolonka cəmi 27 dollar qiymətə satışa təqdim olunur. Bəs siz bu məhsul haqqında nə düşünürsünüz?