Xiaomi SU7 Ultra: 1526 At Gücündə Elektrikli Canavar Bakıda!

Elektrikli avtomobil bazarı hər gün daha da genişlənir və sürətlə inkişaf edir. Xiaomi şirkəti də ötən il elan etdiyi Xiaomi SU7 modeli ilə bu bazardan pay almağa çalışır. Yüksək performanslı elektrik mühərriki və idman avtomobili dizaynını birləşdirən Xiaomi SU7 Ultra modeli artıq Çinin 42 şəhərində, 112 mağazasında sərgilənir.

Oktyabr ayında ön sifarişləri açılan və böyük marağa səbəb olan Xiaomi SU7 Ultra, ilk 10 dəqiqədə 3680 sifariş qəbul edib. Xiaomi-nin rəsmi Weibo hesabında verilən məlumata görə, mart ayında təhvilatlara başlamazdan əvvəl bu yüksək sürətli elektrikli avtomobil Çinin 42 şəhərindəki 112 mağazada nümayiş olunmağa başlayıb. Bu günlərdən etibarən sərgilənən avtomobil intensiv istehsal prosesindən keçir.

Qiymətə gəldikdə isə, 29 oktyabr tarixində 814 min 900 yuan (təxminən 113 min 300 dollar) qiymətlə ön sifarişə çıxarılan avtomobil, dizaynı və gücü ilə istifadəçiləri heyrətləndirib. Standart versiyasının 21-29 həftəlik gözləmə müddətinə baxmayaraq böyük tələbat olduğu halda, SU7 Ultra üçün gözləmə müddəti hələlik açıqlanmayıb.

İdman xarakterli ön bamperi, ön spoyleri və kəskin xətləri ilə rəqiblərini də qorxuya salan SU7 Ultra, Xiaomi-nin inkişaf etdirilmiş üç mühərrik sistemində işləyərək 1526 at gücü və 1770 Nm fırlanma anı əldə edir və 0-dan 100 km/saata cəmi 1.98 saniyədə çatır. Bundan əlavə, maksimal sürətinin 350 km/saat olduğu bildirilsə də, son aylarda aparılan testlərdə avtomobilin 359 km/saat sürətə çata bildiyi sübut olunub.

Belə güclü bir avtomobilin ən böyük sual işarələrindən biri olan əyləclərə gəldikdə isə, texnologiya nəhəngi yeni idman avtomobilində 1300°C-dən yuxarı temperaturu tab gətirə bilən ən böyük karbon-keramik əyləc disklarından istifadə edir. Verilən məlumata görə, 100 km/saat sürətdən 0-a qədər əylənmə məsafəsi 30.8 metrdir.