Millət vəkillərindən açıqlama: Ballistik raket atılacaq

Koreya Xalq Demokratik Respublikasının (KXDR) noyabr ayında qitələrarası ballistik raket (ICBM) sınağı keçirəcəyi iddia olunur.

Cənubi Koreya rəsmiləri hazırlıqların demək olar ki, tamamlandığını və mobil qurğunun “müəyyən bir bölgəyə” yerləşdirildiyini bildiriblər. KXDR-in raket sınağının ABŞ-da keçiriləcək seçkilərə təsadüf etməsi iki ölkə arasındakı gərginliyi artırıb.

"Yonhap" agentliyinin məlumatına görə, Cənubi Koreya Müdafiə Kəşfiyyat Agentliyi (DIA) rəsmiləri parlamentdə bununla bağlı millət vəkillərinə brifinq veriblər.

Brifinqdən sonra mətbuata açıqlama verən Cənubi Koreya parlamentinin millət vəkilləri, KXDR-in noyabr ayında qitələrarası raket sınağı keçirə biləcəyini irəli sürüb.