ABŞ Venesuela yaxınlığındakı hərbi dəniz bazasını modernləşdirir

ABŞ Venesuelada mümkün hərbi əməliyyatlara hazırlaşır. "Reuters" agentliyi təhlil etdiyi peyk görüntülərinə əsaslanaraq bu barədə məlumat yayıb. Hazırlıq işləri Venesueladan təxminən 800 kilometr (500 mil) məsafədə yerləşən ərazilərdə, yəni ABŞ-ın Karib dənizi hövzəsindəki bazalarında cəmlənib.

Məlumatlara görə, sentyabrın 7-də ABŞ Hərbi Dəniz Qüvvələrinin Ruzvelt-Rouds Hərbi Hava Bazasında tikinti işləri başlanıb. Bu baza Puerto Rikoda yerləşir. Aparılan işlər əsasən uçuş-enmə zolağına aparan yollarda həyata keçirilir. Burada köhnə səkilərin təmizlənməsi və yeniləri ilə əvəz edilməsi işləri görülür.

Bundan əlavə, ABŞ hökuməti Amerika Virgin Adalarının tərkibində olan Puerto Riko və Sent-Krua şəhərlərində mülki hava limanlarının infrastrukturunu genişləndirir. Bu ərazilər strateji olaraq Venesuelaya yaxın yerləşir. Bütün bu fəaliyyətlər regionda mümkün hərbi hazırlıqların miqyasını göstərir və ABŞ-ın Karib dənizi hövzəsindəki mövqeyini möhkəmləndirməyə yönəlib.