Maduro ABŞ-nin Venesuela yaxınlığındakı hərbi təlimlərini tənqid edib

Venesuela prezidenti Nikolas Maduro ABŞ ordusunun ölkəsinin yaxınlığında təşkil etdiyi hərbi təlimləri sərt şəkildə pisləyib. O, bu cür təlimləri məsuliyyətsiz bir addım adlandırıb.

Maduro bildirib ki, Trinidad və Tobaqo hakimiyyəti bu yaxınlarda ölkənin sərhədləri yaxınlığında, ABŞ ilə birlikdə məsuliyyətsiz birgə təlimlər keçirib. Prezidentin sözlərinə görə, ABŞ və Trinidad və Tobaqonun bu hərəkətləri "Venesuela üçün təhdid kimi görünmək üçün nəzərdə tutulub".

Maduro bu təhdidlərə imkan verməyəcəklərini qətiyyətlə bəyan edib. Trinidad və Tobaqoda keçiriləcək təlimlər noyabrın 16-da başlayıb və noyabrın 21-nə qədər davam edəcək. Bu təlimlərin Karakas hökumətinə qarşı Vaşinqtonun davam edən təhdidlərinin fonunda reallaşması diqqət çəkir.