Azərbaycan iləTürkiyə arasında sənaye və investisiya imkanları dəyərləndirilib (FOTO)

İqtisadiyyat naziri Mikayıl Cabbarov İstanbul Sənaye Palatasının (İSO) İdarə Heyətinin sədri Erdal Bahçıvanın rəhbərlik etdiyi nümayəndə heyəti ilə görüşüb. Bu görüşdə Azərbaycan və Türkiyə dövlət başçılarının siyasi iradəsinin, verdikləri tapşırıqların qarşılıqlı münasibətləri möhkəmləndirməkdə mühüm rol oynadığı vurğulanıb. Türkiyə Azərbaycanın əsas ticarət tərəfdaşlarındandır. İki ölkə arasında imzalanmış Preferensial Ticarət Sazişi iqtisadi-ticarət əməkdaşlığını daha da gücləndirmək üçün əlavə imkanlar yaradır. Qardaş ölkələr uğurlu investisiya tərəfdaşlığını həyata keçirir. Ölkələrimizin iştirakı ilə reallaşan genişmiqyaslı layihələr regional əməkdaşlığı dərinləşdirməklə yanaşı, bölgənin mənzərəsini dəyişir.

Aparılan müzakirələr əsasən İSO-ya üzv olan şirkətlərlə yerli biznes subyektləri arasında əməkdaşlığı fəal şəkildə təşviq etməyə yönəldi. Görüşdə investisiya sahələri və potensial layihələrin həyata keçirilməsi məsələləri nəzərdən keçirildi. Tərəflər əməkdaşlığı enerji, ticarət, sənaye, rəqəmsal texnologiyalar, infrastruktur və digər sahələrdə genişləndirməyin əhəmiyyətini qeyd etdilər. Bu sahələrdə işbirliyini şaxələndirmək hər iki ölkənin iqtisadi potensialını artırmağa kömək edəcək.

Bu görüş çərçivəsində, Azərbaycanın Türkiyədəki ticarət nümayəndəliyinin və İstanbul Sənaye Palatasının birgə təşkilatçılığı ilə ölkəmizə 100-ə yaxın iş adamı səfər edib. Bu qonaqlara Azərbaycanın iqtisadi potensialı və əlverişli işgüzar mühiti barədə ətraflı məlumat verildi. Onlara sahibkarlar üçün tətbiq edilən güzəştlər, xüsusən də Ələt Azad İqtisadi Zonasında investorlar üçün yaradılmış imkanlar haqqında geniş məlumat çatdırıldı. Səfər zamanı qonaqlar, həmçinin Sumqayıt Sənaye Parkında fəaliyyət göstərən müəssisələr ilə tanış oldular və sənaye zonalarında mövcud işbirliyi imkanlarını öyrəndilər.