Azərbaycan və Kanada rəsmiləri ikitərəfli əməkdaşlığı müzakirə ediblər

Azərbaycanın xarici işlər naziri Ceyhun Bayramov Vyanada yüksək səviyyəli diplomatik görüş keçirib. Bu görüş ATƏT Nazirlər Şurasının 32-ci iclası çərçivəsində baş tutub. Nazir Bayramov Kanada Xarici İşlər Nazirliyinin (XİN) parlament katibi Robert Olifantla bir araya gəlib.

Azərbaycanın Xarici İşlər Nazirliyi tərəflər arasında aparılan danışıqların məzmunu haqqında məlumatı rəsmi "X" sosial media platformasında yayımlayıb. Görüşdə gündəmin əsas hissəsini ikitərəfli əməkdaşlıq məsələləri təşkil edib. Diplomatlar regional inkişafları və Cənubi Qafqazdakı cari vəziyyəti də nəzərdən keçiriblər. Həmçinin, ATƏT çərçivəsində hər iki ölkə üçün ortaq olan prioritet mövzular və gələcək birgə fəaliyyətlər ətrafında fikir mübadiləsi aparılıb.