Azərbaycanda orqan transplantasiyası üçün növbədə gözləyənlərin sayında artım var

Azərbaycanda orqan transplantasiyası üçün növbədə gözləyənlərin sayı ötən dövrlə müqayisədə xeyli çoxdur. Orqan Donorluğu və Transplantasiyası üzrə Koordinasiyası Mərkəzinin İdarə Heyətinin sədri Yeganə Abbasova bu barədə açıqlama verib.

Onun sözlərinə görə, bu artımın əsas səbəbi insanlarda *cadaver* donorlardan edilən transplantasiyaların uğurlu olmasına dair inamın yüksəlməsidir. Vətəndaşlar artıq meyit donorların tapılmasına ümidlidir, bu da gözləyən insanların sayının artmasına gətirib çıxarıb. Yeganə Abbasova vurğulayıb ki, hazırda ölkədə 4 min 642 nəfər insan böyrək çatışmazlığı səbəbindən dializ müalicəsi alır.

Bu insanlar üçün böyük miqdarda vəsait ayrılır. Belə ki, həmin şəxslərin müalicəsinə bir il ərzində 15 minə yaxın pul xərclənir. Həmin şəxslərin 90 faizi donora ehtiyac duyur. Əvvəllər onlar donor olmadığını düşünürdülər. Lakin indi meyit donorların sayı artıb. Buna görə vətəndaşlarımız bu vəziyyətlə bağlı daha ümidli hiss edirlər və növbəyə duranların sayı da artır.