Azərbaycanın yunan-Roma güləşçiləri dünya çempionatında üçüncü olublar

Azərbaycanın yunan-Roma güləşçiləri Serbiyanın Novi Sad şəhərində keçirilən U-23 dünya çempionatını komanda hesabında üçüncü yerdə tamamlayıblar. Yığma 93 xal toplayaraq bu nəticəni əldə edib. Millimiz 2 qızıl və 1 bürünc medal qazanaraq medalların əyarına görə tarixinin ən yaxşı nəticəsinə imza atdı. Bu göstərici ilə Azərbaycan yalnız İran (143 xal) və Ukraynadan (96 xal) geri qalıb, nəticədə dünya çempionatında üçüncü pilləyə yüksəlib.

Komanda baş məşqçi Aleksandr Tarakanov, böyük məşqçi Rövşən Bayramov, məşqçilər Həsən Əliyev və Kamran Məmmədovun rəhbərliyi altında çempionatda çıxış edirdi. Fərdi yarışlarda iki idmançımız ən yüksək nəticə göstərdi. 55 kq çəki dərəcəsində Elmir Əliyev və 63 kq çəki dərəcəsində Ziya Babaşov dünya çempionu adını qazandılar. 72 kq çəki dərəcəsində mübarizə aparan Ruslan Nurullayev isə üçüncü yeri, yəni bürünc medalı tutdu.