Bakıda hərbi parada hazırlıq başlayıb

Bakıda Vətən müharibəsində qazanılan qələbənin 5-ci ildönümünə həsr olunmuş hərbi paradla bağlı məşqlərə başlanılıb. Paytaxt sakinləri artıq hazırlıqların şahidi olurlar.

Hazırlıqlar çərçivəsində paytaxt səmasında hərbi təyyarələrin uçuşu müşahidə edilir. Bu ilki hərbi parad noyabrın 8-də keçiriləcək. Mərasim paytaxtın mərkəzi hissəsində, Azadlıq meydanında təşkil olunacaq.

Azərbaycan hərbçilərinin parad ənənəsi davam edir. Xatırladaq ki, 2020-ci il dekabrın 10-da Vətən müharibəsində qələbə şərəfinə ilk Zəfər paradı məhz Azadlıq meydanında keçirilmişdi. Daha sonra, 2023-cü il noyabrın 8-də Zəfərin üçüncü ildönümünə həsr olunan parad Xankəndi şəhərində olmuşdu. Bu il keçiriləcək mərasim tarixi zəfərin 5-ci ildönümünü qeyd edəcək.