"Barselona" Robert Levandovskiyə əvəzləyici axtarır

"Barselona" klubu mövsümün sonunda müqaviləsi başa çatacaq Robert Levandovskiyə əvəzedici tapmaq üçün fəaliyyətə başlayıb. İspaniya çempionunun əsas hədəfi hazırda Almaniyanın "Bavariya" klubunda çıxış edən ingilis hücumçusu Harri Keyndir. Bu barədə məlumatı "Guardian" nəşri yayıb. İngiltərəli forvard "Barselona"nın transfer siyahısında ön sırada dayanır.

İngiltərəli forvardın Almaniya klubu ilə olan müqaviləsində diqqətçəkən bir detal yer alıb. Sənədə görə, gələn ilin yayı üçün nəzərdə tutulmuş 62 milyon avroluq sərbəstqalma bəndi var. Kataloniya klubu məhz bu maliyyə şərtini nəzərə alır. "Barselona" rəhbərliyi bu vəziyyətdən faydalanaraq 32 yaşlı hücumçu üçün hərəkətə keçməyi planlaşdırır. Bu, klub üçün nisbətən aşağı xərc qarşılığında yüksək səviyyəli transfer imkanı yaradır.

"Bavariya" Keyni 2022-ci ilin yayında "Tottenhem"dən transfer etmişdi. Münhen təmsilçisi bu transferə 95 milyon avro ödəmişdi. İngiltərə millisinin üzvü Almaniya klubunda yaxşı çıxış edir. Harri Keyn bu mövsüm Münhen təmsilçisinin heyətində meydana çıxdığı 22 rəsmi matçda ümumilikdə 26 qol vurub. O, eyni zamanda komanda yoldaşlarına 4 məhsuldar ötürmə edərək oyunlarda böyük fərq yaradıb.