Belçikanın müdafiə naziri: Naməlum dronlar F-16-ları və sursatları izləyib

Belçikanın Müdafiə naziri Teo Franken Kleine-Brogel hərbi bazası üzərində müşahidə edilən naməlum dronlarla bağlı vacib açıqlama verib. Nazir bildirib ki, bu dronlar birbaşa olaraq Belçikanın F-16 qırıcı təyyarələrini və sursat ehtiyatlarını izləməyə çalışıblar. Bu cür fəaliyyətlər xüsusi casusluq məqsədi daşıyır. Onların əsas hədəfi F-16-ların harada yerləşdiyini, döyüş sursatlarının anbarlarda necə saxlandığını görmək və digər strateji əhəmiyyətli məlumatları əldə etmək olub.

Francken hadisə ilə bağlı Rusiya Federasiyasını birbaşa ittiham etməyib. Bununla belə, o, Belçika hava məkanının bu şəkildə pozulmasında başqa bir təqsirkar görmədiyini vurğulayıb. Nazirin sözlərinə görə, Rusiya eyni cür fəaliyyətləri bütün Avropa ölkələrində həyata keçirməyə cəhd edir. O, bu cür hərəkətləri təsdiqləyə bilməsə də, bu hərəkətlərin arxasındakı motivlər və istifadə olunan metodlar çox aydın görünür. Bu tip hərəkətlər Avropanın müdafiə strukturları üçün ciddi narahatlıq yaradır.

Nazir Teo Franken əlavə edib ki, hazırda "dron müharibəsi" həqiqətən də davam edir. Bu müharibənin təhdidləri getdikcə artır. Belçikanın Müdafiə Nazirliyi bu vəziyyətə hazırlıqlı olmalı, hava məkanını qorumaq üçün lazımi addımları atmalıdır. Bu hadisə hərbi bazaların müdafiəsinin yenidən qiymətləndirilməsini zəruri edir.