Bərdənin Alpoud kəndindəki tam orta məktəbdə müasir təhsil mühiti yaradılıb

Bərdə rayonunun Alpoud kənd tam orta məktəbində 264 şagird yerlik yeni bina inşa edilib. Elm və Təhsil Nazirliyindən verilən məlumata görə, bu layihə Alpoud kəndində müasir, təhlükəsiz və standartlara uyğun təhsil mühitini formalaşdırdı. Layihə çərçivəsində zəruri infrastruktur tamamilə yeniləndi və müasir standartlara uyğunlaşdırıldı.

Layihənin əsas məqsədi kənddə təhsilin keyfiyyətini yüksəltmək, şagirdlərin yeni şəraitdə oxumasını təmin etmək və müəllim heyətinin daha səmərəli fəaliyyəti üçün şərait yaratmaqdır. Yeni məktəb tədris prosesinin yüksək səviyyədə təşkili üçün hazırlanmışdır. Binada 11 sinif otağı, məktəbəhazırlıq otağı, 2 laboratoriya, 2 əmək otağı, informatika və çağırışaqədərki hazırlıq kabinetləri fəaliyyət göstərir. Həmçinin, şagirdlərin istifadəsi üçün kitabxana və oxu zalı da mövcuddur.

Şagirdlərin inkişafına yönəlmiş infrastruktur çərçivəsində yeməkxana, akt zalı və idman zalı da istifadəyə verilib. Məktəbin bütün otaqları müasir avadanlıqla təmin olundu. Tədris və təhlükəsizlik standartlarına uyğun mühəndis-kommunikasiya sistemləri quraşdırıldı. Məktəbin həyətyanı sahəsində abadlıq işləri aparılıb. Burada idman meydançaları salınıb və yaşıllıq əraziləri yaradılıb.