Bişkekdə KTMT-nin sammiti keçirilir

Qırğızıstanın paytaxtı Bişkekdə Kollektiv Təhlükəsizlik Müqaviləsi Təşkilatının (KTMT) Kollektiv Təhlükəsizlik Şurasının (KTMT KTŞ) iclası işə başlayıb. Qırğızıstan KİV-ləri sammitin başlaması barədə məlumat yayıb. İclasda iştirak etmək üçün təşkilata üzv ölkələrin dövlət başçıları Bişkekə gəliblər. Belarus Prezidenti Aleksandr Lukaşenko, Qazaxıstan Prezidenti Kasım-Jomart Tokayev, Rusiya Prezidenti Vladimir Putin və Tacikistan Prezidenti Emoməli Rahmon "Intımak Ordo"da bir araya gəldilər.

Qonaq prezidentləri Qırğızıstan Prezidenti Sadır Japarov şəxsən qarşıladı. Rəsmilər gəlişlərindən sonra əvvəlcə fotoçəkiliş mərasimində iştirak etdilər. Mərasim bitdikdən dərhal sonra, KTMT KTŞ-nin iclası məhdud formatda başladı. Bu görüşün əsas məqsədi bölgə təhlükəsizliyi məsələlərini müzakirə etməkdir.