Bu aviaşirkət hər həftə 100 daxili reysi ləğv etmək istəyir

Lufthansa aviaşirkəti Almaniyada yüksək xərclər, vergilər və rüsumlarla mübarizə aparmaq məqsədilə reysləri azaltmağa hazırlaşır. Xarici KİV-lərin yaydığı məlumata görə, uçuşların getdikcə bahalaşması şirkəti belə bir addım atmağa məcbur edir.

Şirkətin rəhbəri Karsten Şpor yerli mediaya verdiyi açıqlamada, 2019-cu ildən bəri əməliyyat xərclərinin iki dəfə artdığını bildirdi. Bu maliyyə vəziyyətinə görə, gələn yaydan etibarən hər həftə təxminən 100 daxili uçuşun ləğv olunacağı gözlənilir.

Şpor, yerli xərclər azaldılmayacağı təqdirdə daha çox ixtisarların qaçılmaz olacağını vurğuladı. Şirkət rəhbəri Münzen-Münster/Osnabrük və ya Münzen-Drezden kimi bəzi aviareyslərin təhlükə altında olduğunu qeyd edib. O, bu istiqamətlərdəki uçuşların artıq zərərlə həyata keçirildiyini dedi. Lufthansa bu addımla Almaniya daxilindəki əməliyyatlarını daha səmərəli etməyə çalışır.