Cənubi Qafqazda vəziyyət yaxşılaşmağa doğrudur - Şoyqu

Rusiya Federasiyasının Təhlükəsizlik Şurasının katibi Sergey Şoyqu Cənubi Qafqaz regionundakı vəziyyəti müsbət qiymətləndirib. O, Moskvada keçirilən MDB-yə üzv dövlətlərin Təhlükəsizlik Şuraları katiblərinin XIII görüşündə çıxış edib.

Şoyqu bəyan edib ki, regionda ümumilikdə yaxşılaşma meyli müşahidə olunur. Bu irəliləyişi gücləndirmək üçün atılacaq əsas addımlardan biri də "3+3" platformasının məsləhətçi-regional qrupunun fəaliyyətinin bərpa edilməsidir. Rəsmi Moskva hesab edir ki, sülh prosesi ilk növbədə regional çərçivədə həyata keçirilməlidir.

Şoyqunun sözlərinə görə, sülh prosesinin irəliləməsi üçün məhz regional formatda işləyən bu qrupun işə salınması böyük əhəmiyyət daşıyır. Bu yanaşma region dövlətlərinin öz səyləri ilə vəziyyəti stabilləşdirməsinə kömək edəcək. Təhlükəsizlik Şurasının katibi vurğulayıb ki, regionda nəqliyyat və kommunikasiya xətlərinin açılması məsələsi də böyük əhəmiyyət kəsb edir.