Deputat: Zəngəzur dəhlizi hamı üçün faydalı olacaq bir layihədir

Milli Məclisin deputatı, Azərbaycan Milli QHT Forumu İdarə Heyətinin üzvü Azər Allahverənov Zəngəzur dəhlizinin vacibliyindən danışıb. O bildirib ki, Zəngəzur dəhlizi bütün tərəflər üçün faydalı olacaq böyük bir layihədir. Deputat bu fikirləri Türk Dövlətləri Təşkilatına (TDT) üzv ölkələrin QHT-lərinin Həmrəylik Forumunda səsləndirib.

Allahverənov bu tədbir çərçivəsində keçirilən "Zəngəzur dəhlizi: Türk coğrafiyasını birləşdirən körpü" adlı paneldə iştirakçıların suallarını cavablandırırdı. Onun sözlərinə görə, bu gün dəhlizin açılmasını dəstəkləyən bərəşiyyətin mütərəqqi qüvvələri gələcəkdə onun istifadəsində yaxından iştirak edəcəklər. Bu, sadəcə regional deyil, qlobal əhəmiyyətə malik bir nəqliyyat yoludur.

Azər Allahverənov dəhlizin iqtisadi və siyasi əhəmiyyətini vurğulayıb. O, "Zəngəzur dəhlizi hamı üçün fayda gətirəcək bir layihədir" deyə qeyd edib. Burada vacib məqam dəhlizdən istifadə edəcək ölkələr üçün önəminin qabardılmasıdır. Bu dəhliz Türk coğrafiyasını birləşdirən körpü kimi mühüm bir funksiyanı yerinə yetirir və regionda əlaqələri gücləndirəcək.