Prezidentdən Zəngəzur dəhlizi ilə bağlı önəmli açıqlama

Prezident İlham Əliyev Mərkəzi Asiya Dövlət Başçılarının 7-ci Məşvərət Görüşünün iclasında çıxış edərkən Zəngəzur dəhlizi ilə bağlı vacib açıqlamalar verdi. Dövlət başçısı bildirib ki, Azərbaycanda dəhlizin tikintisi başa çatmaq üzrədir.

Prezident Əliyev Azərbaycanın əsas hissəsini Naxçıvan Muxtar Respublikası ilə birləşdirmək məqsədi daşıyan razılaşmaların əhəmiyyətini vurğulayıb. O, avqust ayında Vaşinqtonda əldə edilmiş bu razılaşmaların beynəlxalq daşımalar üçün tranzit imkanlarının genişləndirilməsinə töhfə verəcəyinə əmin olduğunu söylədi.

Dövlət başçısı əlavə edib ki, bu dəmir yolu layihəsi ilkin mərhələdə 15 milyon ton yükdaşıma qabiliyyətinə malik olacaq. Bu nəqliyyat xətti Orta Dəhlizin əsas arteriyasına çevriləcək, beləliklə region üçün logistik əhəmiyyət artacaq.