Dubay aviaşousunda qəza baş verib(VİDEO)

Birləşmiş Ərəb Əmirliyində keçirilən “Dubai Air Show” aviaşousu zamanı gözlənilməz hadisə baş verib. Şouda Hindistan hərbi hava qüvvələrinə məxsus döyüş təyyarəsi qəzaya uğrayıb. Hadisə ictimai nümayiş uçuşu zamanı yaşanıb, tamaşaçılar da bu anın şahidi olublar.

Qəzaya uğrayan təyyarə Hindistanın istehsalı olan “HAL Tejas” qırıcısı idi. Qırıcı yerli vaxtla saat 14:10-da havada manevr edərkən qəfil yerə çırpılaraq böyük partlayışla müşayiət olunub. Bu hadisə aviaşou iştirakçıları və tamaşaçılar arasında narahatlığa səbəb oldu.

Qəza ilə bağlı ən vacib məqamlardan biri təyyarənin pilotunun vəziyyəti ilə bağlıdır. Hadisə baş verdikdən sonra pilotun durumu haqqında hər hansı bir məlumat verilməyib. Rəsmilər bu barədə heç bir açıqlama yaymayıblar.