Gəncədə 16 yaşlı yeniyetməni bıçaqlayan şəxs saxlanılıb - YENİLƏNİB

Gəncə şəhərində 16 yaşlı yeniyetməyə xəsarət yetirən şəxs polis tərəfindən saxlanılıb. Polis əməkdaşlarının keçirdikləri əməliyyat-axtarış tədbirləri nəticəsində A. Abbaszadə tutulub. O, E. Əliyevə kəsici-deşici alətlə xəsarət yetirməkdə şübhəli bilinir. Bu hadisə ilə bağlı araşdırmalar davam edir.

Hadisə Gəncə şəhəri ərazisində qeydə alınmışdı. Şəhər sakini, 2009-cu il təvəllüdlü E. Əliyev bıçaq zərbəsi alaraq xəstəxanaya yerləşdirilmişdi. Yaralanma ayaq nahiyəsində baş vermişdi. Yaralıya dərhal tibbi yardım göstərildi, onun yarası tikildi. Həkimlər yeniyetmənin vəziyyətini orta-ağır qiymətləndirirlər.

İlkin məlumata görə, yeniyetmənin öz dostu tərəfindən bıçaqlandığı ehtimal edilir. Hadisənin hansı səbəbdən baş verdiyi hələlik müəyyən edilməyib. Faktla bağlı araşdırma aparılır. Saxlanılan şəxsin dindirilməsi hadisənin bütün təfərrüatlarını aydınlaşdıracaq.