Los-Anceles limanında konteyner gəmisində böyük yanğın baş verib

Kaliforniyanın Los-Anceles limanında dayanmış konteyner gəmisində ciddi yanğın hadisəsi baş verib. Şəhərin meri Karen Bass hadisəni təsdiqləyən məlumat yayıb.

Mer bildirib ki, yanğın elektrik səbəbindən yaranıb və dərhal alova qarşı mübarizə başlayıb. Bu böyük hadisə ilə mübarizəyə yüzdən çox yanğınsöndürən cəlb edilib. Eyni zamanda, liman polisi gəminin heyətinin təhlükəsizliyini təmin etməkdə yardımçı olub.

Şəhərin yanğınsöndürmə xidməti yanğından sonra əlavə bir fəsadın yarandığını açıqlayıb. Belə ki, alovun qeydə alınmasından sonra gəminin göyərtəsində partlayış baş verib. Bütün bu təhlükələrə baxmayaraq, heyətin bütün üzvləri gəmidən təxliyə ediliblər. Son məlumatlara görə, hadisə nəticəsində heç kim xəsarət almayıb.