“Nyukasl” UEFA-ya şikayət ünvanlayacaq

İngiltərənin “Nyukasl” futbol klubu rəsmi olaraq UEFA-ya şikayət ünvanlayacaq. Xarici KİV-lərin yaydığı məlumata görə, bu addımın atılmasına səbəb Fransa polisinin klubun azarkeşlərinə qarşı göstərdiyi ədalətsiz münasibət olub. Klub təhlükəsizlik qüvvələrinin davranışına görə narahatlığını ifadə edir.

İngiltərə təmsilçisi olan “Nyukasl” təhlükəsizlik qüvvələrinin bu rəftarını kəskin pisləyib. Onlar xüsusilə vurğulayıblar ki, azarkeşlərə qarşı güc tətbiqi lüzumsuz idi. Klub rəhbərliyi azarkeşlərin müdafiəsi üçün beynəlxalq futbol qurumuna müraciət etməyi qərara alıb.

Bu hadisələr “Marsel”in 2:1 hesablı qələbəsi ilə yekunlaşan görüşdən sonra baş verib. Hazırda liqadakı mövqeyə gəlincə, “Nyukasl” 9 xalla 11-ci pillədə qərarlaşıb. Fransa klubu isə 6 xalla 21-ci yerdədir.