Övladları ilə paradı izləyəcək ata: Fəxr hissi keçirirəm

Bakı sakini Tural Qurbanov Vətən müharibəsindəki Qələbənin 5-ci ildönümü münasibətilə təşkil edilən hərbi paradı izləmək üçün övladlarını gətirib. Satış meneceri işləyən T. Qurbanov bu addımı atmaqla uşaqlarının bu böyük Zəfəri bir daha dərk etməsini istəyir. O, bu hadisəyə görə keçirdiyi qürur hisslərini bölüşüb.

Tural Qurbanov bildirir ki, övladları paradı seyr etməlidirlər ki, bu Qələbənin necə vacib olduğunu bilsinlər. "Övladlarımı gətirmişəm ki, paradı izləsinlər. Onlar bir daha başa düşməlidirlər ki, bu Zəfər bütün Azərbaycan xalqının zəfəridir. Mən də qazanılan qələbəyə görə yenidən böyük fəxr hissi keçirirəm," deyə o, vurğulayıb.

Paradın keçiriləcəyi barədə xəbəri eşidəndə Qurbanov çox sevindiyini söyləyib. O, bu günü Azərbaycana yaşadan hər kəsə, başda Ali Baş Komandan İlham Əliyev olmaqla, dərin təşəkkürünü çatdırıb. Nəhayət, Vətən uğrunda canından keçən şəhidlərimizə Allahdan rəhmət diləyib, qazilərimizə can sağlığı arzulayıb.