Premyer Liqa: "Qarabağ" "Şamaxı" ilə heç-heçə edib

Misli Premyer Liqasının IX turu "Qarabağ" üçün evdə xal itkisi ilə yadda qalıb. Ağdam klubu "Azərsun Arena"da "Şamaxı" komandasını qəbul edib.

Gərgin idman mübarizəsi şəraitində keçən bu qarşılaşma qolsuz heç-heçə ilə nəticələnib – 0:0. Bu bərabərlik "Qarabağ"ın turnir cədvəlindəki mövqeyinə təsir edib, lakin komanda zirvə mübarizəsini davam etdirir.

Bu nəticədən sonra xalını 17-yə çatdıran "Qarabağ" ikinci pillədə qərarlaşıb. "Şamaxı" isə 10 xalla turnir cədvəlində 9-cu yerdədir.

Qeyd edək ki, IX turun digər görüşlərində maraqlı nəticələr qeydə alınıb. "Turan Tovuz" "Karvan-Yevlax"ı (2:1), "İmişli" isə "Kəpəz"i (3:0) məğlub edib. "Zirə" "Sumqayıt" üzərində 1:0, "Neftçi" isə "Qəbələ" üzərində 2:1 hesablı qələbə qazanıb. Həmçinin, "Araz-Naxçıvan" ilə "Sabah" arasındakı oyun 2:2 heç-heçə ilə başa çatıb.