Tailand Kambocadan rəsmi üzrxahlıq tələb edib

Tailand hökuməti Kambocadan rəsmi qaydada üzrxahlıq tələb etdi. Bu tələb Banqkokun Xarici İşlər Nazirliyi tərəfindən irəli sürülüb. Tailand rəsmiləri Kamboca ordusunu sərhəd bölgəsində yenidən minalar yerləşdirməkdə ittiham edir. Bu hadisə iki ölkə arasındakı mübahisəli ərazilər boyunca gərginliyi yenidən artırıb. Tələb, bazar ertəsi günü baş vermiş partlayışdan sonra irəli sürülüb, hansı ki, bir Tailand əsgərinin ağır yaralanması ilə nəticələnmişdi.

Tailandın irəli sürdüyü iddiaya görə, patrulda olan bir əsgər bazar ertəsi günü sərhəddə partlayan minaya düşərək ağır xəsarət alıb. Rəsmi Banqkok bu hadisənin Kamboca tərəfindən yeni minaların qoyulmasının nəticəsi olduğunu düşünür. Ancaq rəsmi Pnom Pen bu ittihamları qəti şəkildə rədd edib. Kamboca tərəfi sərhəd bölgəsində yeni partlayıcı maddələr yerləşdirmədiklərini bəyan edir.

Bu cür gərginlik iki ölkə arasındakı mübahisəli ərazilərdə ilk dəfə yaranmır. Ölkələr iyun ayında beş gün davam edən ağır silahlı toqquşmalarla üzləşmişdilər. Həmin toqquşmalar zamanı ən azı 48 nəfər həlak olmuşdu. Təxminən 300 min nəfər sakin isə müvəqqəti olaraq öz evlərini tərk etməyə məcbur qalmışdı. Son əsgər yaralanması ilə bağlı bu hadisə və Tailandın rəsmi üzrxahlıq tələbi iki qonşu arasındakı münasiblərə yenidən ciddi təsir göstərir.